حاسوباتى

طول عمري بحب التعليم
أصل أنا واد في العلم قديم
كان مجموعي في الثانويه
حاجه بتاع تسعين في الميه
قلت يا حاسبات إما بلاش
شغلانه غيرها ما تنفعناش
أول سنه كان كلي حماس
قافل علي نفسي الترباس
أحضر سكشن أسلم شيت
كنت بنام زي الكتاكيت
أول ترم عدي عليا
أتمنيت أرجع ثانويه
أخد نجمه وأغني بلادي
أخد فسحه وألعب عادي
بس يا عيني مش وقت رجوع
أنا عيني خلاص عالمجموع
أول سنه عديتها نضيف
والمجموع كان برضه ظريف
جبت يا دوب ستين في الميه
راحت فين أيام ثانويه؟
قلت يا اى تى أما بلاش
قسم غيره ما ينفعناش
ومن يوميها أنا أتجنيت
ولا عمري في حاجه عديت
بكتب أسمي و أطلع تاني
تعمل أيه لو كنت مكاني؟
ميت دكتور عايزين مشاريع
وبقيت واد في العلم فظيع
أخري مقاومه وأحسب لووووب
قوانيني بقت بالشقلوب
حبه بحبه بقيت بلاص
بس يا ناس مرفوع الراس
أخد الصفر وأحاول تاني
أنا يائس كده ليه وبعاني
نفسي أجيب لو يوم مقبول
حد يقولي مين المسئول؟
أن أحنا في ساقيه بنتعلم
ولا راضي حد يتكلم
خلينا مشيين جنب الحيط
عاشقين أوي فن التخبيط
حاول تفهم مني كلامي
ولو ما فهمتش راح اعيد من تاني
التيرم عدى كأنه كابوس
كل امتحان زى الدبوس
وانا كنت ناوى أحل وأدوس
بس طلعت يا ناس مهووس
قولت ياريتنى الاقى فنوس
يطلع فيه عفريت محبوس
يقولى كده شبيك لبيك
تطلب ايه انا ملك ايديك
اقوله نفسى اعدى نضيف
واجيب كده تقدير ظريف
بجد تبقى ياواد عفريت
يقولى انسى واطلب تانى
ولو مصمم يبقى انسانى
دانا كنت يا عم زمان مشهور
بجيب مجموع يرضى الجمهور
كنت اتمنى اكون ممتاز
اعمل كده اجمل انجاز
بس بقيت يا جماعة ضعيف
لو عالرفع ده يبقى خفيف
قولت ياريتنى طفل صغير
بس الحال يا جماعة اتغير
وآدى الحال كما هو عليه
طب يا جماعة انا هعمل ايه
قولت يا ريتنى اقوم من النوم
والاقى نفسى بقيت دبلوم
بس ده كله طلع اوهام
كل يوم ورا مش اودام
مخنوق, تعبان , زهقان
عندى اكتئآب وكمان قرفان
بس انا برده يا ناس انسان
غلطت صح لكن ندمان
ولو لقيت حد فى مدرسة
هقوله يا ابنى بلاش حاسبات
دى نصيحة وانا اهو ومجرب
بس يا رب ما حد يقرب
ولسه برده يا ناس محتاس
بس كلامى خلص وخلاص

Palestinian holocaust museum

قام بإنشاء هذا المتحف موقع "اسلام اون لاين"ومركزه قطر على موقع "سكند لايف"

وهو عالم افتراضى ثلاثى الابعاد متاح من خلال الانترنت
ويضم هذا المتحف صور وأسماء الأطفال الفلسطينيين اللذين قتلتهم القوات الإسرائيلية

كذلك الأسلحة المستخدمة فى الحرب الأخيرة على غزة والوثائق التى بثتها جميع القنوات الفضائية

كذلك يضم هذا المتحف قصص وروايات الناجين من المحرقة الإسرائيلية بالأراضى الفلسطينية

ياريت يا جماعة اي حد عنده قصص واقعية او صور ضحايا وقتلى هذا العدوان يقوم بنشرها على هذا الموقع


Palestinian holocaust museum

كمان فيه فيديو رائع بس للأسف تم حذفه من اليوتيوب
عموما انا رفعت الفيديو وده لينك التحميل

ألا بذكر الله تطمئن القلوب

فاطمئني يا قلوب..
بذكر علام الغيوب..
ولتخضعي في النداء..
في الشروق وفي الغروب..
ولتسلكي خير الدروب ..
ولتذكري رب السماء..
ذكراً كثيراً في الرخاء..
لتسلمي هول الخطوب..
وما أصابك من بلاء..
ففيه تكفير الذنوب..
ولتحذري درب الشقاء..
ففيه والله العناء..
ولتستري كل العيوب..
لا تبالي حينما ..تبكي العيون على الذنوب..
أما علمت بأنه..
ثمار ذكرك للرحيم..
( ضياء قلبٍ..وسعة عيشٍ..وتفريجٍ للكروب..)
وبه الدواء لكل داء..وبه شفاء للسقيم..
وهو السبيل إلى النجاة..وهو الطريق المستقيم..
** سبق المفردون ..فسابقي نحو الكريم **
واشتري الجنات بالذكر العظيم..
لا يكن حظك منه..
..كحظ مسكين عقيم

ألا بذكر الله تطمئن القلوب

صور مدينتى بورسعيد

السلام عليكم ورحمة الله

حبيت يكون اول موضوع ليا على المدونة

هو مجموعة صور لمدينتى الحبيبة بورسعيد

ياريت كل الزوار يقولوا رأيهم فى المدونة والموضوع ده كمان

صور حديقة بورسعيد السياحية

ميناء بورسعيد


قرى ومنتزهات بورسعيد